tg-me.com/auoobahmaditinoo/2448
Last Update:
دەڵێن گوڵێ بەهارە دێ
بە کاتی وەرزی ئاشقان
مەلان لە تەشقی ئاسمان
سەما دەکەن بە بێ وچان
نە یەک زمان به سەد زمان
دەڵێن گوڵێ بەهارە دێ
پەیامی خۆشی یارە دێ
گەزیزە دم بە خاکەوە
چرۆ بە ناخی تاکەوە
نەسیم بە سۆزی پاکەوە
کچان بە سینگی چاکەوە
دەڵێن گوڵێ بەهارە دێ
پەیامی خۆشی یارە دێ
گوڵان بە چاوی مەندەوە
لە دەشت و کەند و لەندەوە
بە تامی شەکر و قەندەوه
بە ڕەمزی شێعر و بەندەوە
دەڵێن گوڵێ بەهارە دێ
پەیامی خۆشی یارە دێ
لە پەنجەرەی خەیاڵەوە
لە گوند و دەشت ویاڵەوە
شەماڵ به ناڵەناڵەوە
بە ڕەمزی خۆش هەواڵەوه
دەڵێن گوڵێ بەهارە دێ
پەیامی خۆشی یارە دێ
پەپوولەکان سەما دەکەن
خەمی زەمان بە بادەکەن
دنەی بزەی چیا دەدەن
هەرا هەرا هەرا دەکەن
دەڵێن گوڵێ بەهارە دێ
پەیامی خۆشی یارە دێ
چەم و چیا و کەژ و چەمەن
ڕەز و گەڵا پەز و زەمەن
کەل و مەل و پەل و دەمەن
لە لێڕەوار دەر و دەوەن
دەڵێن گوڵێ بەهارە دێ
پەیامی خۆشی یارە دێ
هۆنراوە و خوێندنەوە
#تینووکۆکەیی
🍂🍃🍂🍃🍂🍃🍂
@AuoobAhmadiTinoo
BY هۆنراوەکانی ئەییوب ئەحمەدی (تینوو)کۆکەیی
Warning: Undefined variable $i in /var/www/tg-me/post.php on line 283
Share with your friend now:
tg-me.com/auoobahmaditinoo/2448